恭碩良前晚到電台受訪，剛從芝加哥工作返港的他笑言年紀大，身體適應能力變差，還未調校好時差。下周他會飛澳洲探爸爸，並在當地過聖誕：「佢一把年紀，開始講啲奇怪嘢，話將來有咩，啲結他都留畀我喎！」他透露十月躲在錄音室寫歌，關注社會的他表示會做好音樂人本分，已經寫了十首歌：「我會繼續做廣東歌，當然個個都想佔領其他市場，但都要有人睇住自己嘅市場，加上我又唔係國語人。」明年2月底他將到澳門開騷。
