陳彥行揼錢畀「囝囝」敷Mask 張慧儀讚母愛偉大

藝人陳彥行抱着愛犬糯米糍出席護膚品牌活動,自認狗奴的她本身毫不愛扮靚,但就瞓身照顧家中三隻狗仔,連狗糧都親自試食,張慧儀大讚這個「媽媽」好偉大,她慶幸囝囝不用敷面膜慳回不少。

陳彥行與張慧儀昨日結伴出席護膚品牌「Soelle O2O 體驗日」活動,現場有兩位靚女醫生Wenus Ho和Juliana Latif駐場,她們立即把握機會請教皮膚護理問題。慧儀最注重拍戲落妝清潔及保濕,陳彥行卻自認不肯花工夫,連護膚都懶,但對愛犬糯米滋就超級有愛:「我關注佢啲皮膚多啲,香港狗仔好易皮膚病,我用咗好多錢帶佢美容、浸微泡浴同敷Mask。(狗狗都要敷Mask?)要做Mask,我有三隻狗,每月最大開支就係佢哋醫療、飲食同美容,我自己唔食Supplement,都買狗Supplement畀佢哋食,我會試食先,狗糧我都試,試吓鹹唔鹹。」

慧儀不禁讚陳彥行:「媽媽好偉大,好彩我個仔唔使敷Mask,我都要做多啲Mask。」陳彥行回敬:「我覺得你偉大啲。」又揚言照顧「三個小朋友」壓力大,自嘲年紀大心力交瘁,問會否搵男人照顧她?她笑說:「邊個會照顧我呢啲老人?希望新一年搵到個愛屋及烏嘅!」

漢洋取笑譚嘉荃

同場還有歌手漢洋、譚嘉荃(Amy)、藝人李漫芬、章志文和湯沛宜(ToTo),李漫芬為漢洋敷面膜,親身體驗效果。Amy提到其處女騷一波三折,由9月延期至11月,之後因社會事件再改期,現終拍板明年5月18日,好友漢洋爆料說:「之前11月22日,1122聽落幾好,但有人講嗰日係亥年亥月亥日,唔緊要,依家都冇咗。」並取笑Amy「處咗幾次」,Amy沒好氣說:「之前好勤力護膚,依家畀自己Hea吓休息先,好攰,抖多陣要勤力番。」