李靖筠拍賀歲片：好勁！
英皇新人李靖筠聯同新歌《第千次重逢》監製徐浩到電台宣傳，經過三次合作，李靖筠表示非常愉快：「覺得佢更加了解我，仲捉到我啲套路。」
聖誕節將至，李靖筠透露要為首部賀歲片宣傳，未知有沒有得放假：「完全冇諗過可以喺賀歲檔期上映，覺得好勁！如果有假放我會想同朋友去露營，好享受畀雀仔一早叫醒。」至於徐浩就表示聖誕要開工，女友連詩雅可有詐型？他傻笑反問：「詐咩？唔會嘅，各自要做嘢，佢最近出咗新歌都忙。」會送甚麼禮物給女友？他即招架不住笑話：「原來我唔識答呢啲嘢，會Hang機，到時先算啦！」