周柏豪換片徒手接「蟹粉」
初為人父的歌手周柏豪昨日到電台宣傳，表示已習慣湊女生活，讚囡囡算易湊，每日都掛住她：「工作完想快啲返屋企，依家要出長Trip都唔考慮住。（有冇幫BB沖涼？）有！我最鍾意換片，當然感受過個女爆嘢出嚟，但唔覺得核突，成手有啲似蟹粉小籠包，但知道佢係出自自己身體，依家又接番啲嘢，好溫暖。」
他透露女兒尚未改名，暫時只叫「囡囡」，會再問風水師傅意見，最緊要是旺媽媽，直言陪太太入手術室後更覺得女人偉大：「佢開住個肚仲話冇問題，安慰番我，叫我唔好嚇親醫生。因為我一坐低就喊，覺得個心好痛！依家覺得男人更加唔應該投訴，我會做好本分！」有傳他在清水灣買豪宅獎勵老婆，他指已是去年的事，單位價值4,000萬，又說：「其實佢冇咩要求，令我更加想送嘢畀佢！」