惡補歌藝開竅 李佳芯密謀開騷「驅魔」
李佳芯早年獻唱被取笑是「魔音」，但她未有氣餒，更跟老師學唱歌。最近練歌後，她自言已開竅，終極目標是舉行迷你演唱會，再次挑戰唱《小幸運》這首「代表作」！
無綫藝員李佳芯（Ali）、高海寧（高Ling）及黎諾懿等，前晚在將軍澳電視城為節目《娛樂大家》最後一集擔任嘉賓。Ali曾獻唱《小幸運》但被批評是「魔音」，將歌曲唱成「小噩夢」，原來正在休息的她最近除了去旅行，還向新的歌唱老師求教，務求改善歌藝！Ali笑說：「我比較慢熱，依家開始有啲開竅，有信心愈唱愈好，希望有日畀人讚原來做戲同唱歌都咁好！我嘅目標係開一個迷你演唱會，同埋邊度跌低就邊度起身，終有一日會再挑戰唱《小幸運》！」高Ling即笑說：「《小幸運》好難唱，降低半個Key就容易好多。」
高Ling口味麻甩
講到玩遊戲，Ali笑言參加這個遊戲節目，蠢的人反而會贏，高Ling笑說：「好在我冇贏過！我玩『狼人殺』比較叻，但唔係高手，因為我講嘢冇人信。」Ali笑說：「即係全世界以為你扮豬食老虎，點知你真係豬！」又自言最擅長玩Cheat Chat遊戲，但經常一開口就自爆。她們笑指黎諾懿和楊明都是豬隊友，Ali更直言：「男人都係衰嘅！」此外，講到聖誕節將至，最近學烹飪的高Ling預告會親自下廚，舉行羊腩煲聖誕派對，口味認真「麻甩」！
汪明荃開工唔使愁
至於汪明荃被問到節目來到最後一集，可有不捨？她笑說：「一定會，但係暫時冇呢個感覺，因為大家都好開心。聽日同鄭少秋去雲頂登台，下年都一路有演出，呢行節日比較忙，冇嘢做就慘喇。」