蘇志威香港守業望創百年老店
創立自家服裝品牌多年的蘇志威（蘇老闆），昨日出席頒獎禮，對於自家品牌得獎，他說：「不經不覺有8、9年歷史，一直好努力做好呢個香港品牌，藝人開設品牌開頭都會比較易，但要做得長都要有品質保證。」更希望能成為百年老店。他想過帶品牌衝出香港，但要看時勢：「目前都係想守住香港先，但會考慮北上大灣區發展，方便又易控制，如果去到東南亞地方就難管理。」問到生意可有受近期社會事件影響？他重申：「就係要睇環境，依家要守住香港呢個基地。」
陸詩韻靜靜雞慶生
同場的陸詩韻興奮表示，創立4年的美容品牌為她帶來5個獎，猶如打了一支強心針：「得到認同，賺唔賺錢都係其次。（咁即係有冇賺？）努力中，希望養到老！（有咩養老計劃？）金錢上冇特定Target，因為永遠都唔夠。」又分享做生意的心得，指產品要不時更新：「雖然最近發生好多事，但網上生意自8月起每個月都Keep住上升，網上消費都高咗，佔成盤生意7成。」談及本月底生日，她透露會跟朋友食飯慶祝：「靜靜雞咁慶祝，唔想畀自己覺得大一歲之餘，依家都唔係太適合，希望出年市道同心情都變好啲。」
