吳若希認輸唔夠師妹受歡迎

吳若希前晚錄影無綫節目《娛樂大家》，談到師妹菊梓喬（Hana）於社交網發文剖白，表示只想做個簡單的人，很多事情並非能自己選擇，似乎要回應與吳若希近日的是非。吳若希承認與Hana沒甚默契：「我講嘢好似打乒乓波咁，佢唔係我個Type。（佢好似回應你阻佢拎女歌手獎傳聞喎！）佢點會攞唔到？我係話金曲獎睇好譚嘉儀。（對自己冇信心？）我都冇乜宣傳。（同老闆講幫你谷囉！）好多嘢順其自然，成績好就唔使谷，我好滿意今年嘅成績，不過Hit Rate唔夠人哋高，唔夠佢受歡迎。（認輸？）梗係認輸，我係對呢個世界認輸。」