黃浩然拋妻棄子老婆心寒喪鬧
無綫劇《多功能老婆》正在熱播，劇情講到飾「尚劍雄」的黃浩然為事業拋妻棄子，並決定與小三生活，慘遭拋棄的楊千嬅邊喊邊追車，不少網友睇得肉緊，更在黃浩然的社交網洗版式鬧爆，連「視后」胡定欣亦忍不住加入戰團：「我想講粗口！」
黃浩然太太莫家嘉亦入晒戲，發文直斥老公令人心寒：「喊完之後，我心情沉重咗幾日！我終於忍唔到！明明好好，但點解一個人可以為咗自己去到咁絕？人性唔係本善咩？尚劍雄！你令我開始懷疑同好擔心，你究竟係一個咩嘢人！你哋明白我依家嘅心情嗎？」不少網友笑指黃浩然演得出色，實在「抵鬧」！