黎曉陽想教快閃瑜伽

創作歌手黎曉陽昨日到新城電台宣傳新歌《拾荒者之歌》,他指新歌主題是回憶,隨即自爆烏龍事:「有次見到個阿姐坐喺路邊,以為係露宿者,買咗啲餅乾請佢食,點知佢唔係。」

近年愛玩瑜伽的他,有意開快閃班,可乘機宣傳新歌,一舉兩得:「玩咗一年,想搵個草地嘅地方,而瑜伽最後一個動作係休息,嗰時大家可以合埋眼聽我唱歌,係一個好神聖嘅表演。」並有意考瑜伽導師牌:「如果我要玩快閃教人,有個牌好啲嘅,不過當興趣變成工作就唔好玩。」