男友公司同無綫割席 陳庭欣唔擔心被封殺

32歲前港姐冠軍陳庭欣入行多年，近日於無綫劇《多功能老婆》飾演「進擊小三」，一場全裸露股邊挑戰大婆楊千嬅，成為網上熱話。去年她與富貴男友楊振源（Benny）拍拖，不時公開放閃。早前Benny開健身室，她亦擔任代言人，不時拍住做宣傳，相當恩愛。

疑與政治取態有關

Toby事業愛情兩得意，但突然出現暗湧！其男友旗下的護理品牌昨日於Facebook專頁發文，指明年不再於無綫落廣告：「於去年與TVB簽定了廣告合約，因此我們必須履行合約至2019年12月31日。」合約完結後，將於2020年選擇其他平台作宣傳渠道。如此高調與無綫撇清關係，網民揣測與其政治取態有關，亦有人擔心會影響Toby的工作。

Toby昨日受訪時表示：「我睇完（個Post），冇諗會有咩特別影響。」至於擔不擔心被公司「詢問」？她說：「應該唔會啦！公司一直以嚟有好多唔同類型嘅廣告客戶，我相信唔同客戶定期會因應自己內部市場推廣策略而調整落廣告嘅時段同渠道，所以我冇擔心呀，多謝大家關心。」