關菊英出關大步走隻字不提黎小田

關菊英雙手合十，未有回應有關前夫的提問。

現年61歲的「靚聲王」關菊英，年初被爆因病要抽取骨髓，事後雖然強調沒大礙，自言「行得走得」，卻推掉所有工作專心養病。深居簡出的她近大半年都未曾公開露面，再度傳出健康有問題，其好友李司棋日前在社交網上載關菊英與《溏心風暴》一眾舊拍檔敍舊的照片，似有意代她澄清。

緩跑徑煲電話粥

昨日下午二時許，閉關多時的關菊英終於現身，在司機接載下離開跑馬地寓所，前往附近公園散步。戴鴨舌帽及黑超的她獨自落車，未見密友周偉利同行。她步履輕盈地走往緩跑徑散步，期間不時傾電話，行了約大半個小時，發現記者即匆匆離開。

雙手合十速閃

沿途被追問健康狀況時，精神飽滿的她笑笑口說：「好好呀！（之前要抽骨髓，仲有冇事？）冇事冇事，好好！（係咪完全康復，可以散咁耐步？）唔係見到你哋，我散耐啲添呀！」提到前夫黎小田離世，問她上一次與對方見面是何時，以及會否出席喪禮等問題，她一概未有回答，只雙手合十示意，之後由司機護送上車離開。

久未出關的關菊英有氣有力。

黎小田與關菊英有過一段短暫婚姻。