周柏豪接妻女出院自誇換片叻！

周柏豪提到囡囡即眉開眼笑。

昨午約12時30分，向來保持低調作風的柏豪已於醫院後門準備定7人車接妻女出院，黑、白色打扮的他先單獨見傳媒，甫出門口即雙手合十打招呼，問到習慣爸爸新身份未？他笑笑口沒有回答，但冧爆表示試過幫囡囡換3次尿片：「成功嘅！舒服嘅！（改咗名？）未，返到屋企再研究，要問長輩。（有冇乳名？）都係叫囡囡咋！」

• 柏豪媽媽抱着孫女，而戴黑色冷帽的Stephanie跟在身後出院。

勤力賺奶粉錢

至於可會放假陪妻女？柏豪說：「放咗幾日，成個禮拜都喺醫院陪佢哋，之後要努力返工，賺奶粉錢，雖然係有Sponsor，但都要賺。（減少出埠工作？）到時先算，依家照顧佢哋兩個先。（太太身體好嗎？）托賴，都好好！」說畢再雙手合十表示「辛苦晒」。之後，囡囡由柏豪媽媽抱實出院，BB被毛巾包冚，其靚樣未有曝光。而戴黑冷帽、穿黑衞衣配乾濕褸兼戴上口罩的Stephanie，激罕現身緊隨柏豪及奶奶身後，一言不發急急腳上車，柏豪待安頓好家人後才登車，座駕隨即離開醫院。