蔡思貝暗撻胡鴻鈞 余德丞被「飛甩」嗌唔知
無綫「緋聞女王」蔡思貝與29歲歌手胡鴻鈞（Hubert）最近撻着，熱戀中的二人10日內密會3次，Hubert遊勻港九接送女友，前日送思貝返寓所時被本報撞破。不少身邊好友對「思鈞戀」封口，而一直被指與思貝是一對的余德丞，對於緋聞女友「另結新歡」，他竟然懵然不知，昨日回覆本報時說：「唔知喎！對上一次見佢係我生日飯，佢忙緊拍劇，冇時間見面。（會了解吓？）遲啲見到，佢又真係同我講，先問佢啦！」
而身為思貝好友的孫慧雪亦表示不知情：「唔知真定假，佢開緊劇唔敢打擾佢，如果係真，會同佢講：『你都收得幾密喎！』（佢哋襯？）都幾金童玉女吖！佢開心就得，會恭喜佢。」
