Heidi拉隊開房玩到上床
女子組合Super Girls成員Heidi去年與潮店合作，推出個人品牌，今年再下一城，推出首支個人新歌《Be True》為品牌造勢。早前Heidi為此曲拍MV，並邀來大班好友上鏡，齊齊在房間開派對，SG隊長Aka亦專誠探班。
MV中，Heidi一時瞓床，一時穿性感毛毛短裙，邊跳邊唱騷美腿，她說：「舞蹈動作幾性感，希望大家會鍾意，我哋只係用咗好短時間排練，時間緊迫，跳舞前好緊張，希望可以畀最好狀態大家睇！」她亦希望憑歌寄意提醒女生要忠於自己，展現自信一面：「面對我唔願意做嘅，好難逼到我，因為我唔識妥協，忠於自己！」但亦明白有時要取得平衡點。