懶理亞視裁員羅思雅靠自己搵錢

應屆亞姐香港賽區冠軍羅思雅(Caca),前晚穿性感吊帶裙出席首映禮,但不慎露胸墊,她即伸手整理。提到亞視裁員,她表示工作如常,亦按時出糧,未受影響。問到可有向公司了解裁員消息?她說:「冇特別講,亦冇特別去問。(你冇家庭負擔?)有(o架)!但我有網上平台,所以有收入,暫時都OK,可以畀到家用,亦夠自己生活費。」

提到Caca以香港賽區冠軍身份出戰「亞姐全球總決賽」,她坦言:「仲未收到確實日子同地點。(咁你咪要長期Keep住最佳狀態準備參選?)真係有壓力,因為我好鍾意食嘢,惟有忍口同努力做運動囉!」