朱晨麗生日何廣沛留言冧爆
藝人朱晨麗（朱朱）昨日32歲生日，人緣甚好的她日前獲新劇《多功能老婆》拍檔陳煒、洪永城、王梓軒及好友何國鉦為她慶祝，眾人各自送上鮮花，令她非常驚喜：「今年真係好開心，原來有咁多人咁錫我，大家知我鍾意收花，估唔到佢哋每人送我一大束，仲要係不同顏色嘅玫瑰花，幾乎感動到想喊，大家太有心，我覺得自己好幸福！」
眾人在社交網分享當晚靚相，其中洪永城搶去壽星女的蛋糕，即被陳煒笑指：「洪永城以為有人會幫佢慶祝埋生日，Sorry冇囉！根本冇人知佢12月6號生日。」而朱朱昨日大晒獨照，獲圈中好友包括陳自瑤及姚子羚等送上生日祝福，當中緋聞男友何廣沛更留言：「感恩有這一日」，認真冧到爆！此外，朱朱孖住洪永城於澳門出席活動，與一眾澳門扶康會學員進行地壺球比賽。
