鄧麗欣做老千 同王子鬥蠱惑
藝人張晉與鄧麗欣（Stephy）昨日以「愛滋零標籤宣傳大使」身份出席活動，蜜運中的Stephy近日與台灣藝人邱勝翊（王子）情侶檔拍廣告，她笑指寓工作於娛樂，又可以慳機票趁機見男友，但並非刻意放閃：「拍出嚟感覺好靚，加上聖誕主題，佢又飛埋過嚟見面。（介唔介意再合作？）主要睇作品，但唔一定演情侶，好似敵對或者老千角色，互相呃對方，但唔好搞到我騙財騙色咁款！」
家有爛瞓豬
至於再為人父的張晉，提到囝囝樂兒已出世半個月，老婆蔡少芬雖然辛苦，但相當享受湊仔樂，皆因今世應不會再有這些機會，又爆兒子外貌跟他兒時很相似，而且是爛瞓豬。他指兩個女兒會幫手遞毛巾及尿片，對弟弟又錫又攬，相當有愛。問到會否為家中添新成員而換大屋？他笑說：「買得起先算！依家間屋舒服就OK，係老婆鍾意新鮮感先鍾意搬屋。（老婆有1.5億資產？）我唔知，但佢持家有道，應使則使，娶到呢啲老婆真係三生有幸！」
