霆鋒Rock爆美食騷祖兒高衩加熱

謝霆鋒為其首創的「搖滾美食節」瞓身演出，早在開幕前96小時已抵達澳門準備。拉姑與鬍鬚Kong昨晚前來捧場，容祖兒則擔任嘉賓，身穿高衩裙的她，勁歌熱舞期間露出打底褲，由於是戶外騷，盡情唱爆的她不介意頭髮被吹亂，台下有人大讚她靚，她忍不住說：「吓！我頭髮亂到咁，成個癲婆咁，你都話靚？」

罕有轉造型

其後霆鋒壓軸登場，唱完一首歌後脫下廚服，到唱《活着Viva》時再穿回皮褸，罕有地顧及造型。之後邊彈結他邊唱《潛龍勿用》，他又Chok住腳踩台上的喇叭，期間以廣東話、普通話及日語打招呼，揚言希望將搖滾美食節搬去世界各地。他又相隔16年再唱《281公里》，看見有人跟着唱即笑說：「即係同我同年代啦！」還將鋒味公仔拋落台，引來觀眾瘋搶。

一身廚服玩Rock，呢個咪霆鋒囉！	霆鋒即興與DJ CORSAK玩埋一份。	低胸JW與羅力威任嘉賓，大搞氣氛。

演出歌手還有王灝兒（JW）、許靖韻、羅力威及樂隊Mr.，JW大搞氣氛問：「有冇食霆鋒煮嘅美食呀？想唔想食我煮嘅嘢呀？」當聽到觀眾說「想」及「Love you」時，她即眉開眼笑，又讚霆鋒與祖兒是她的男神和女神。

其實前日和昨日連續兩日，霆鋒都落場穿梭場館美食區及露天舞台，與一班「鋒迷」交流。昨日下午4時半，他到「鋒味區」炮製美食，並挑選幾名圍觀者試食，有粉絲大嗌：「揀我啦！」十分搞笑。其後霆鋒見DJ CORSAK演唱及打碟，即興跑上台與他跟着音樂齊齊Jump。