敏之獲讚開心到喊
曾與黎小田合作的胡諾言及陳敏之日前曾到醫院探望他，對於前輩離世，二人表示很傷心、難過，敏之直言很不捨，胡諾言亦說：「希望佢嘅家人節哀順變！」
而昨晚敏之為無綫《流行經典50年》錄影，她一身黑色服裝到場，神情哀傷，受訪時邊講邊喊。提到黎小田雖已沒有做節目，但仍有留意她的表現，她說：「佢WhatsApp話：『敏之你進步咗好多！』當時開心到喊，因為佢唔容易讚人，我自問唱歌唔係好叻，呢個訊息我會永留心中。」
同場的王梓軒更特別為這位前輩獻唱其喜愛及監製的歌曲《為你鍾情》。而打從粵語片時代已認識黎小田的胡楓（修哥），昨晚為《流》錄影時，心情沉重，他說：「我哋幾十年朋友，難忘佢嘅吊兒郎當、遊戲人間個性，知有病想去醫院探佢，朋友話唔使，有咩會通知我……總括嚟講，佢係快樂人生！」