任姐逝世30年寶珠阿嗲祭恩師

昨日是粵劇名伶任劍輝(任姐)的死忌,一班戲迷及任姐徒弟陳寶珠、梅雪詩(阿嗲)、朱劍丹等先後抵達師傅白雪仙(仙姐)的跑馬地寓所致祭任姐。

中午12時許,近30名戲迷在仙姐寓所樓下聚集,其後被安排上樓向任姐上香憑弔。而寶珠與阿嗲亦先後到埗,兩人逗留至3時半離去。阿嗲受訪時透露仙姐精神很好、很靚及開心:「食完飯佢仲玩啤牌,年年都係咁,因為任姐鍾意熱鬧,所以都開咗兩、三枱麻雀玩。(你有冇打麻雀?)冇,師傅唔畀我玩,怕我輸錢,佢哋好錫住我嘅錢,唔會同我打麻雀。(買咗咩畀任姐?)買咗鮮花。(幾時再開粵劇?)未知,等仙姐安排。」