傅嘉莉水着巡禮豁出去

傅嘉莉大晒34C的美好身材，即時搶晒鏡啦！

藝人傅嘉莉、江嘉敏和楊潮凱剛到了內地為無綫《識玩旅行團2》拍外景，本是好朋友的三人於旅程中感情昇華，期間流露最真的互窒本色，不過講到搶鏡當然不及Kelly泳裝巡演大晒身材。Kelly起行前已努力減肥，希望以最佳姿態着泳裝浸溫泉，可是此行原來是美食團，幾乎打亂了她的美體大計，幸而狂食之餘亦有不少體能活動，如滑雪、爬山、泰山跳等，故仍可Keep住靚靚身材。

• 傅嘉莉與江嘉敏溫泉戲水，畫面暖笠笠。

對住男導演尷尬

Kelly稱今次泳裝拍攝算是她的突破，因為在鏡頭前未試過穿這麼多次泳衣，事前準備了不少小背心或長披掛，用以遮掩心口或屁股，可是正式拍攝浸溫泉鏡頭時，導演建議以唯美角度出發，最後她只好豁出去，以三點式泳裝於鏡頭前坦蕩蕩。

Kelly說：「今次我準備咗4、5套泳衣，其實幕前我好少泳裝上陣，今次為浸溫泉着泳裝，拍攝時係男導演，其實有啲尷尬，所以有啲唔自然，但工作應該要專業啲，唯美效果最重要，後來我都豁出去。及後有位女同事幫我拍泳裝相，大家女仔又好好多，即刻表現自然番！」