龔嘉欣擲7位數 馬國開火鍋店

龔嘉欣忙拍劇，擔心未能出席新舖開張。

拒在港開舖

12月5日踏入30歲的她視生意為生日禮物，更是人生一大轉捩點：「由4月開始籌備到依家，算上晒軌道，由裝修、買食具、研製湯底、餃子同丸類等，都係我搞晒。（點解揀馬來西亞開？）我拍檔本身喺香港做火鍋同Cafe好多年，佢喺內地都有開，想衝出香港，而馬來西亞仲未有啲好地道嘅港式火鍋店，而且呢邊嘅成本冇咁大，人工、租金、食材都平啲，如果喺香港做，我信心冇咁大。」

忙拍劇的Katy擔心開張當日不能出席：「依家我主攻拍劇，但一有機會，會返過去做生招牌。（預算幾時回本？）一年啦，好有信心！其實我一讀完書就做演員，想有多啲嘢搞，嚟緊或者開多間Cafe，因為我不嬲都鍾意整蛋糕、Pancake，可能搵多幾個朋友夾。（搵邊個？）陳凱琳啦，佢整蛋糕好勁o架！」

吳業坤與龔嘉欣化身侍應做生招牌。	曹永廉幫手沖涼茶。	吳業坤幫手執枱。

曹永廉教路

另外，早前吳業坤到馬國拍邵氏劇集《非凡三俠》，順道到「家姐」Katy的火鍋店做生招牌。而曹永廉日前到當地拍節目，亦有去試食，有飲食生意經驗的他更給了Katy不少意見。