涂毓麟進修儲彈藥
ViuTV節目《全民造星》出身的涂毓麟，成功靠一雙手、一座鋼琴俘虜Fans，樂壇頒獎禮將至，他坦言從沒想過攞新人獎︰「我仲讀緊書，同時要兼顧兩方面，對我嚟講學業好重要，喺我未完全投入做歌手之下，呢幾年都係以學嘢為主，例如想學結他，希望喺作曲上幫到手。」除音樂外，他亦對紅酒有興趣，覺得有文化價值，故報讀了品酒課程。
同公司的樂隊ONE PROMISE，對首年參加頒獎禮感興奮︰「之前係獨立樂隊，每次睇頒獎禮都好羨慕，繼Beyond之後，見到好多樂隊被提名甚至上台，好想有一日去到呢個位，今年終於得！」
