鄧詠雪做選美司儀被人名考起

藝人鄧詠雪（雪子）最近獲邀到馬來西亞為國際選美比賽擔任司儀，已是第二年做司儀的她直言今次挑戰更大：「同以往賽制唔同咗，節奏更緊湊，好多臨時改嘅嘢，要頻頻執生！最難嘅係今年有20幾個國家佳麗參加，有啲國家名好少見，好似喺非洲南部同西歐嘅國家，而個個佳麗個名都好長唔易讀，當中澳門佳麗個名竟然由五個英文組成，人名啲音唔可以讀錯，所以個個名事前要Mark低反覆練習。」熱愛潛水的雪子亦趁機玩水，難怪她一直保持住黝黑健康膚色：「我去咗附近度假村水上屋，玩吓潛水，又曬咗幾日，曬到勁黑！」