何依婷放鬆心情 怯就輸一世
2017年香港小姐亞軍何依婷，在今年無綫台慶獲委以重任有份擔任司儀，跟汪明荃、鄭裕玲等前輩學習。首次做台慶司儀緊張難免，何依停開騷前為自己作心理輔導，她笑說：「一定有少少緊張，同自己講好似張家輝話齋，怯就輸一世，盡量放鬆心情，觀眾感受到我心情緊張就唔好睇。上台前深呼吸一下，話畀自己知自然啲、輕鬆啲就OK。」
何依婷當晚表現稱職，尤其以低胸性感晚裝示人更被網民大讚「事業心」很重，她說：「件衫一個月前已經揀好，又要忙做其他準備，好似練習講嘢咬字，同埋睇番近年台慶學臨場執生、搞氣氛，今次係好好體驗，希望有機會再做司儀。」
