J.Arie 毫子搭小巴博大霧

歌手J.Arie（雷深如）和小肥昨日到電台宣傳新歌《哪懼牆攀不上》，歌曲講述人去到低谷，只要堅持就找到出路。二人透露入行時遇上低潮，小肥坦言當時為愛情，曾閃過一絲輕生念頭：「但我冇勇氣咁做，之後靠朋友就成功解決問題。」而J.Arie自爆兩、三年前窮到燶：「戶口得番20幾蚊，要叫人過80蚊畀我先撳到錢出嚟，然後嗰100蚊可以用兩、三日。試過偷雞暢晒一毫子搭小巴，等人哋唔覺（畀少咗）。」又稱曾「秘撈」賺外快，其中一年倒數，到只有外國人的場地唱歌。