阿刨神級演出觀眾唔願走

阿刨（右）與鄭雅琪演活了戲寶《帝女花》中的駙馬公主淒美愛情。

阿刨與新進花旦鄭雅琪演出的《帝女花》，昨日於西九文化區戲曲中心大劇院正式公演，觀眾表現瘋狂。上月底已由溫哥華回港籌備演出的阿刨，對於首場公演大感滿意：「感恩節開鑼，非常感恩，演出相當順利。今次日場，觀眾嘅反應非常熱烈，大家合作得好純熟、好好！」

親自題字念恩師

新娛國際綜藝製作有限公司老闆丘亞葵（Vigo）大讚阿刨演出精彩：「佢演《帝女花》嘅周世顯，真係神級表演，第一日開鑼已經反應相當之好。」今次演出，阿刨為了記念恩師任劍輝逝世30周年，故此Vigo特別在開場時，製作一段文字片段來紀念這位一代宗師，阿刨執筆寫下對師傅的思念，令不少觀眾看後都覺得很感動。

名伶任劍輝逝世三十周年，阿刨親自題字念恩師。	阿刨就算換咗晨褸，都要再出台謝幕。	阿刨率領共六柱主要演員謝幕，掌聲不絕。

• 丘亞葵與龍劍笙、鄭雅琪等拜神切燒豬。

「換咗晨褸照跑出嚟」

一向深受戲迷愛戴的阿刨演出完畢後，雖已謝幕三次，但不少觀眾戀戀不捨，不肯離開，令換了晨褸的阿刨忍不住再出來作第四次謝幕，感謝戲迷支持。Vigo表示：「結尾我哋謝幕咗三次，但觀眾唔肯離開，到最後布幕都已經落咗、場館燈都開埋，佢哋都喺度等，阿刨見大家咁熱情，換咗晨褸都照跑出嚟作第四次謝幕，成個氣氛都真係好熱烈。」