Carman玩賽車Game得個撞字

女子組合Bingo成員Carman（關嘉敏）日前獲邀到澳門出席賽車活動，特地身穿皮褸皮裙配合賽事，大騷長腿。她表示今次是首次到現場觀賽：「冇諗過現場睇會咁令人興奮，不論係賽車、賽車手、服裝定引擎嘅聲，簡直嘆為觀止！」她表示本身很喜歡玩賽車遊戲：「但Game入面嘅我，手車係超級差，經常都包尾，又撞嚟撞去，撞到冇方向感就逆線行，爸爸成日都叫我第時唔好考車牌，費事嚇親人，反而大個去玩室內賽車場就好少少，可能有手感真實啲。」她坦言有機會的話，想真正學賽車：「不過我諗首先要學晒保護自己嘅方法先，因為我撞車同着火嘅機會好大，哈哈！」