面臨多項性侵指控、目前在囚的52歲美國男歌手R. Kelly，被其「圈養」的24歲性奴Joycelyn Savage於收費網站Patreon爆大鑊！她自稱17歲時欣賞演唱會時被R. Kelly睇中，本來覺得好玩，對方又承諾捧她做歌手，但最後發覺漸漸被控制。
她說：「過咗幾個月，佢開始命令我，一定要我用某種方式叫佢，例如『主人』同『爹哋』，當時我好唔鍾意。如果冇收到人工，或者唔係為咗追尋夢想，我早就返屋企，但事情並未完結！如果佢叫我，我要回答『係嘅，爹哋』或者『求吓你呀，爹哋』，如果唔係佢會發火，佢真係好強控制欲。」