歌手譚嘉荃（Amy）原定本月22日舉行處女騷，但因先後受天氣問題、社會氣氛影響，宣布第三度改期。日前Amy親自落場到麥花臣場館兼即場開Live與大家聊天：「因為之前試過取消咗個唱有歌迷唔知道，所以今次我就親自落去，如果真係遇到歌迷都可以同佢哋傾吓偈同影吓相，等佢哋開心啲，而去到嗰邊都留咗1個鐘，好彩都冇人嚟到。」