英皇小花衛詩雅昨日35歲生日，由於社會氣氛影響，她未有大肆慶祝，只與三五知己圍埋切餅許願，問到生日願望時，她有感而發說：「希望和平、大家都順利同安全。」由於父母出埠旅行，她昨晚做電燈膽與家姐及姐夫食飯慶祝，問到是否心急脫單？她大方回應：「承你貴言啦！」
談到未來工作，她說：「本來要開拍嘅3部電影都押後咗，咁樣有好有唔好，可以有充足嘅時間畀我裝備自己，做多啲功課，好似考電單車牌咁，我會為路試做好準備，嚟緊又會去日本搵教練學滑雪，因為對嚟緊嘅工作有幫忙。」
