許靖韻自嘲「葵青舞王」嚇親人

許靖韻開騷，大晒唱功。

出道6年的她開售票演唱會，自彈自唱《小背心》為個唱揭開序幕，嘉賓包括創作歌手林家謙（Terence）及J.Arie（雷深如）陸續上台合唱。Angela大騷舞技，並激動地說：「我跳舞唔好，所以花咗好多時間練習，直到開騷前排舞老師仲擔心我，好感激老師同Dancers嘅付出！」更自嘲是「葵青舞王」，擔心觀眾看畢其舞技後覺得驚嚇，但見反應熱烈，才知自己努力沒白費。

鍾舒漫捧場

Angela又吐心底話指17歲參加歌唱比賽後加入公司，為其他歌手唱足三年Demo，終等到推出個人歌曲，可是：「出到三張唱片，依然冇人識我。」有歌迷舉起標語「以後的路陪着你走」，令她大為感動，她又說明白機會來得不易，所以每次演出都當成最後一次。Angela亦得到公司支持，獲老闆楊受成夫婦、容祖兒、張敬軒、Twins、關智斌、泳兒等師兄師姐送上花籃恭賀，鍾舒漫及陳凱彤看騷後更到後台影合照。

Angela騷舞技，自言跳得唔好！	與J.Arie（左）在台上合唱。	鍾舒漫（右）與李靖筠（左）前來睇騷，為許靖韻打氣。