26歲日本影帝菅田將暉今年中同長腿女星菜菜緒甩拖後，尋日被爆暗撻27歲女模堀田茜。二人年初合作劇集《3年A班─從現在起大家都是人質》，煞科後仍經常約食飯。堀田好友爆料話佢為咗迎合菅田口味，由以往嘅OL Look改成着oversize衞衣嘅街頭Look。不過，堀田嘅事務所否認戀情，菅田嘅事務所就話無可奉告。