陳嘉寶台中慢活食唔停
陳嘉寶（Anjaylia）近日與老公黃頌祈和好友林皓霆同到台中旅遊，Anjaylia首次到台中，過了一個愉快旅程：「台中畀我個感覺好慢活，啲嘢食又有啲唔同。最深刻係去咗高美濕地，呢個地方係人生點都要去一次嘅，去到個感覺係好大風，好似香港打緊一號風球咁，但好靚，又啱啱睇到日落，好浪漫，之後我同林皓霆赤腳行濕地，望住個景，大家又影吓相，個感覺好舒服。」又大讚台中夜市非常正，全程吃不停：「淨係苦瓜汁都飲咗兩三杯，我又鍾意食臭豆腐，喺香港好少搵到好食，今次喺夜市食唔少，同埋同好朋友一齊去旅行，掃街都覺得好開心。」
