郭思扮Social追男仔

模特兒郭思早前拍攝無綫劇《解決師》，首次拍劇的她以輕鬆心態面對：「最初知道有得拍劇，心情好興奮，事前背熟所有對白，因為唔想NG影響到人，好在冇乜NG！」不過語速方面有待掌握：「平時習慣講嘢快，所以講對白都好快，係一個前輩話我知，佢話『阿妹，唔可以講得咁快，觀眾會聽唔切。』我嗰刻先發現有呢個問題，要識得有停頓位。」
首次拍劇的郭思，被提點減慢講對白的速度。
首次拍劇的郭思，被提點減慢講對白的速度。

劇中她與丁子朗有感情線，而且是女追男，現實中的她亦有相似經歷：「有個男仔完全係我鍾意嘅類型，本身我唔係咁鍾意Social，但只要有佢嘅場合都會去，同埋積極搞Gathering。大家溝通多咗，但最終都冇一齊，因為發現鍾意嘅類型原來唔適合拍拖，否則一定受情傷。」

郭思在劇中春心動，主動冧丁子朗。
  • 郭思在劇中春心動，主動冧丁子朗。