林家謙由幕後創作人跳出幕前挑戰歌手身份，被一眾新人看好奪新人獎，他即淆底大叫怕怕，指其他新人多Fans，大感壓力。家謙自嘲年紀漸大，唔唱就冇得唱：「好多歌手朋友支持我跨出幕前，以前覺得自己唱得唔掂，推晒啲Live騷，依家會接多啲，面對鏡頭又講多啲，最大滿足係見到自己成長。」他更強迫自己與琴「分手」：「以往表演一定黐住部琴，第一次上電視冇咗部琴，對手唔知放喺邊，插袋又畀人覺得寸。」
