高海寧收峰勇戰喱士朱晨麗
台慶節目《珍惜香港 發放娛樂 TVB 52年》前晚因社會問題影響下，破天荒以錄影代替直播，往年的女星「戰場」紅地氈環節被迫取消，未能正面對撼！不過各花旦當然不會嘥料，各自在網上晒靚相，延續戰線！
每年台慶，花旦都會「胸」群而出，今年雖不能在直播節目中當場比併，但將「戰場」移師社交網，昨日紛紛甫相「晒冷」！當中34D港姐冠軍朱晨麗，以白色喱士透視裙大晒湯碗胸，性感爆燈，獲網民大讚有歐美風混合亞洲人的味道。同是港姐的劉佩玥亦不遑多讓，以淺綠色透視Deep V裙上陣，除大晒驕人「胸器」，還騷出白滑美腿，仙氣十足！陳庭欣則以酒紅色暗花長裙現身，谷出3吋事業線！
吳若希自誇似Model
至於高海寧雖封胸，卻霸氣Chok長腿，與兩側透視美腿的王卓淇同樣吸睛！吳若希則「留前鬥後」晒玉背，更搞笑自誇：「我看到自己穿成這樣我都嚇壞了，完全是標準模特兒的身形呀！」眾女各有特色，難分高下。
高海寧受訪時表示，即使節目改為錄播，依然有氣氛：「我哋都係想帶多啲正能量同開心畀觀眾，所以就算唔係直播，我哋都好投入！」又自誇晚裝非常性感，影了不少靚相。而朱晨麗則說：「造型師好有心思，幫我準備咗呢條裙好耐，又改咗好多次。我揀呢條裙係希望瀟灑啲，想有一種歐美風嘅感覺，加多件褸就可以去街着。」
