湯洛雯獻第一次同譚俊彥碌大床

無綫劇集《失憶24小時》演員譚俊彥、湯洛雯、郭晉安與譚凱琪等昨日為新劇拜神，譚俊彥與湯洛雯繼《法證先鋒lV》後再合作，飾演情侶並有床戲，譚俊彥豪言要挑戰張頴康與馮盈盈在《解決師》中的激情戲尺度，笑說：「場戲應該冇佢哋咁光猛，有啲Mood，喺張床度碌嚟碌去，不過都係電視尺度啫！」湯洛雯則笑言將「第一次」交給對方：「以前拍過咀戲，床戲就第一次，心情唔緊張，我諗係咀戲嘅加強版啫！有佢帶住唔擔心，交畀佢處理。」又表示今次拍喜劇相對沒《法》大壓力，譚俊彥則說：「上次因為對白唔改得，佢成日匿埋一邊背對白唔講嘢，今次啲低B嘢就出晒嚟，我諗緊有冇兄弟啱佢，搵個好啲畀佢啦！」