秦芷瑤網晒婚照惹恐慌

藝人秦芷瑤（Rose）日前為香港鐘錶品牌「萬希泉」拍攝節目，擔任模特兒的她特別穿上黑色裙展示名錶：「想有隆重啲嘅感覺！」開工可以免費戴名錶，令她心情興奮，不忘讚時下的香港設計師相當出色，將東方藝術文化元素注入時尚款式，最吸引她是品牌的獨創技術，將最複雜設計工藝用於陀飛輪機芯上，進行字句刻畫，創造出自己想要、獨一無二的字句。
秦芷瑤披嫁衣，其實只係拍戲。
秦芷瑤披嫁衣，其實只係拍戲。

工作多多的Rose，拍網劇又拍電影，其中有場結婚戲，穿上白色婚紗明艷照人，她說：「我將啲婚紗相放喺社交網，好多朋友問我係咪嫁人！我同佢哋講拍戲啫，未結婚呀。」最近又與樂隊Jam歌翻唱《一生所愛》：「估唔到好多人讚我唱得幾好，希望多啲人搵我做登台騷啦！」

秦芷瑤示範名錶狂Chok甫。
  • 秦芷瑤示範名錶狂Chok甫。