甄詠珊鬧爆林雲中唔識感恩

甄詠珊靠食素同做運動改善身形。

甄詠珊昨日出席美容活動兼MV發布會，好友李明憲專誠撐場。提到她之前在社交網鬧緋聞男友林雲中「忘恩負義」，但未幾刪除留言，原本笑容滿面的她即一臉正經說：「過去嘅嘢唔想再提，要展望將來。」並否認曾與對方拍拖：「佢係我曾經欣賞嘅人，有嘗試了解，但發現思維同價值觀唔係同一條線，佢抹殺我對佢嘅幫助，覺得佢冇感恩，不過唔緊要，都係了解嘅一種。」她坦言現時有很多工作，會努力做好自己，自然會有好的人出現。

打透明質酸針

身為美容產品代言人的她透露曾打透明質酸針：「腮骨位好似細咗。（痛？）好似打針咁，OK嘅，3個星期前打。同埋成件事好趕，老闆畀咗首廣告歌我唱，3個星期內拍咗廣告、拍MV同錄歌。歌詞好好，有少少代入我之前『惡人菊』嘅角色，講世上冇醜嘅女人，只有懶惰嘅女人。」問到是否接受整容？甄詠珊說：「依家科技先進，微調都有效果，同埋我食素、做運動有好大改善。」

她又透露剛拍完網劇，笑言做「男一」：「因為劇中有個女朋友，但又冇明確話係同性戀。（有親熱戲？）冇，反而同男仔有床上戲，就係李明憲。（激唔激？）唔激，得少少交代。」

甄詠珊與林雲中曾被拍得在公園煙韌做運動。

李明憲與甄詠珊老友鬼鬼，拍床戲唔尷尬。