陳庭欣做主持觀音頭掃把腳

有說藝人都是人前人後兩個樣，其實出鏡前後亦可以兩個Look，大前提係懂得「隱惡揚善」。別看前港姐陳庭欣（Toby）平日主持無綫節目《東張西望》時打扮得靚一靚，其實隨時係觀音頭掃把腳，她說：「有時成個人嘅上半身同下半身打扮完全唔襯，因為鏡頭只需要我哋上半身，所以好多時我淨係着對涼鞋就入廠，肉酸都冇人理；男仔仲誇張，短褲踢拖咁入嚟o架！好隨意，至於去廣告時間有咩搞？多數係對稿同補妝，有時講到口乾都要飲幾啖嘢，不過最重要嘅係……錄影廠實在太凍，所以擺定件有帽嘅厚外套喺膝頭，仲要有帽嘅，貪佢可以趁機披一披，頂帽係用嚟遮住對耳仔保暖。」