釗峰 黃妍享受發台瘟

舞台劇初哥梁釗峰及黃妍，明日獻出首次舞台演出，飾演情侶的二人透露「最激」只是拖手仔、挨膊頭：「好彩啫！如果唔係尷尬死！套劇係講我哋畢業前後心態上嘅改變，劇本好貼地，係一般人都經歷過。」黃妍自爆當中有一幕撼動內心，如活演自己的過去：「同女主角一樣，畢業後有份穩定職業，但想去追夢，面對屋企人反對，好大壓力、好掙扎，記得嗰陣都有好大分歧。」釗峰就笑言最近收到好多「炸彈」，體會更深：「唔經唔覺身邊朋友都有所成就、結婚，但自己個心態仲未大，距離好似愈嚟愈遠。」