阿刨排練《帝女花》日夜無休

阿刨在酒店加緊排練，務求與拍檔「無縫熟練」。

粵劇名伶龍劍笙去年12月假香港演藝學院演出16場粵劇《蝶影紅梨記》後，劇迷欲罷不能，望另一戲寶重演。在新娛國際綜藝製作有限公司老闆丘亞葵（Vigo）誠意打動下，加上今年又是恩師任劍輝逝世30周年的紀念日子，阿刨決定回港再演四大名劇之首《帝女花》，帶領後輩演員鄭雅琪、梁煒康、黎輝威及關凱珊，於11月28日及29日、12月2日至6日、9日至14日假西九文化區戲曲中心大劇院，傾力演出共13場。

距離公演尚有十多日，在《帝》劇中飾演周世顯的阿刨，自上月底由溫哥華回港後，連日來都在入住的酒店跟演員日夜加緊排練。昨日她亦如常跟鄭雅琪排練，見她狀態大好，無論眼神及造手都功架十足。

丘亞葵間場新嘗試

Vigo受訪時對阿刨的專業大為讚許：「阿刨雖然演出過《帝女花》無數次，但都不停排練，就係為咗同對手達無縫熟練。同埋佢對所有事都一絲不苟，連新一代演員嘅新裝，佢都親自去跟，真係好佩服佢對粵劇嘅堅持。」他又指今次《帝》劇會為劇迷帶來新鮮感，以往間場時會投映幾分鐘水墨畫影像，今次則有新嘗試：「會將之前演出嘅粵劇快速剪成精華片再播出，要同時間競賽，係好大挑戰，希望畀到觀眾一氣呵成嘅感覺。」

放大圖片	阿刨與後輩演員亦師亦友，相處愉快。