陳曼娜慶生怕攰貴精不貴多
藝人陳曼娜日前獲圈中好友包括宣萱、黃百鳴、胡楓、陳彥行、羅敏莊、李成昌、黃智賢、江美儀及林建明等，還有女兒鄭祖兒及乖孫女Kaelyn、囝囝及懷孕媳婦慶祝11月5日68歲生日，在2,500呎豪宅舉行派對，收到鮮花及蛋糕作禮物。
她受訪時表示，以前生日會分幾晚及包場大搞，但今年分幾個主題慶祝，貴精不貴多：「以前會請好多人，要招呼咁多朋友都好攰，但今年每晚只請一圍最好嘅朋友，可以同佢哋暢所欲言，Enjoy美食，自己又食得飽，呢幾晚同朋友都玩得好盡興！」她又笑言因連日狂食而增磅，要努力減肥迎接新的拍攝工作。