李尚美:韓國樂隊Ex出身嘅36歲女歌手李尚美，尋日透過事務所宣布今個月23號舉行婚禮，新郎係細過佢嘅上班族。李尚美喺社交網公開多張婚照，因為男方係圈外人，所以得個背影。身材勁弗嘅李尚美着低胸喱士裙，大晒豐滿上圍！
憑神劇《權力遊戲》（Game of Thrones）「龍母」一角上位嘅英國著名女星艾美莉克拉克（Emilia Clarke），隨住劇集落幕，全力進攻影壇！日前佢宣傳新片時顯得野心大，話好想頂替男星丹尼爾格力（Daniel Craig）演占士邦（James Bond），做首個女版007！