李彩華老公甘心奉獻變同月同日生！

藝人李彩華（Rain）昨日36歲生日，日前與老公Eric舉行生日會，不少親朋好友均有出席。當晚派對以印度服飾為主題，Rain悉心打扮，靚絕全場，更化身形象顧問為老公揀衫和配搭。生日會上，兩公婆全程糖黐豆，大晒恩愛。問到為何以印度服飾為主題？她說：「因為今年我演出咗舞台劇《恆河經變》，我好鍾意劇入面個造型，加上下年會巡迴演出，所以有呢個構思。」

秘製蛋糕吸Like

Rain於今年2月宣布婚訊，首次以人妻身份與老公過生日，她說：「其實老公都係11月生日，不過佢話以後每年會改為我生日先一齊慶祝，變相我哋變咗同月同日生！」又透露親自秘製生日蛋糕，獲老公大讚，令她開心不已！問到生日願望？她指近年覺得施比受更有福，生日亦會做慈善，幫助有需要的小朋友。前晚她就出席了慈善晚宴，捐款幫助內地山區留守兒童，令生日更添意義。