湯洛雯唔急脫單 鄧佩儀長髮大把兵

湯洛雯與鄧佩儀、簡淑兒等前晚為無綫《萬千星輝賀台慶》進行綵排，各人以不同樂器演奏《今宵多珍重》。負責彈奏豎琴的靚湯剛與父親到大阪「快閃」旅行慶生，問到可有被父親催拍拖？她笑言沒有：「佢叫我睇定啲先，唔捨得我咁快離開佢。」而鄧佩儀前日生日，問到何時「脫單」？她坦言有五個追求者：「自從留長頭髮係多人追咗，即係叫我唔好剪短髮，但始終未遇到自己好鍾意嘅。（即係叫嗰五個唔使追？）唔好拖住人嘛！」