馬浚偉驚恐症 最怕半夜電話響

藝人馬浚偉與抗癌歌手李明蔚昨日出席微電影分享會，片中他飾演雙親患癌症的醫生，表示感同身受：「有兩個屋企人有癌症，好明白嗰種無助，所以演得特別投入。有場戲要我喊，講到爸爸寫信畀我，我睇兩嘢就喊到。現實中媽媽都寫過啲字畀我，好觸動。」他坦言當時照顧癌症家人不懂紓緩情緒，故媽媽去世後很自責，因而患上八年抑鬱症及驚恐症：「驚恐症到依家都有，聽到電話就好驚，因為好多時醫院三更半夜打嚟。」另外，他透露正籌備電影及舞台劇，亦會以busking組合MTOM身份四圍唱。