王梓軒想晒肌畀粉絲揸旗
歌手王梓軒昨日舉行記者會，宣布將於12月20日至21日，假會展舉行10周年演唱會《王梓軒 CROSSING 源．樂演唱會2019》。相隔7年再開騷的他，親自邀請個唱音樂總監兼恩師趙增熹、演唱會嘉賓衛蘭（Janice）及妹妹衛詩（Jill）等出席造勢，就連媽媽與婆婆亦現身力撐。
提早個唱時間
梓軒表示再開騷需要很大勇氣：「今次有個好特別嘅意義，10年係一個里程碑，一路以嚟都有好多人幫過我，好感激佢哋。」講到個唱提早於晚上7時15分開騷，他承認遷就交通問題：「希望大家開心、安全咁睇騷，其他就唔再諗，因為都未到。（擔心有突發情況？）有同一個投資者討論過，佢搞開大騷，好似周杰倫演唱會，如果真係遇到狀況，佢叫我唔使驚，專心做騷，話會安排穿梭巴士接載Fans，周杰倫幾廿萬人佢都搞得掂，我喺會展開都OK嘅。」
期間大會播放梓軒7年前的演唱會花絮，見他大騷「麒麟臂」，問到屆時會否「少布」登場？他笑言現時積極做Gym：「有將啲訓練片擺上網，睇吓Fans鍾唔鍾意，可能遲啲搞個網上公投。」問到有否請薛家燕做嘉賓？他即賣關子避答。
衛蘭否認做媒人
梓軒曾爆Janice對他說「My twins is amazing」，問Janice是否想介紹妹妹給對方？她笑住否認：「唔係喎！我係想介紹Jill畀佢Jam歌。」Jill即讚梓軒靚仔，不過沒有愛的花火。講到Jill最近自爆有意中人，Janice即爆妹妹晚晚跟她訴苦，問到會否助妹妹一把？她笑言：「如果我見到個男仔會同佢講『搞錯呀？識唔識o架』，哈哈！我知佢好似未Ready嘅，都有同妹妹講要有耐性，我傳統啲，男仔做主動會好啲。」