韋家雄咀得兩次嫌少！

韋家雄昨日現身電台受訪，透露已拍完無綫劇《木棘証人》。提到與張文慈有「蜻蜓點水」的吻戲，他自爆拍完才告知太太：「唔會呷醋啩，又未播，我好少拍呢啲場口，入行以嚟都係得兩次，上次係湯洛雯幫我做人工呼吸。（邊個嘴仔軟啲？）兩個都點到即止，想試耐啲都唔得，想NG導演又話唔夠時間，希望公司遲啲識做啦。」提到最近不少藝人離巢，他與無綫還有兩年合約。另外，張文慈於微博上載《木》劇的殺青照，感激劇組人員陪伴，由頭笑到尾。